ТАССРның 100 еллыгы уңаеннан Түбән Шытсу төп мәктәбендә укучылар өчен төрле кызыклы чаралар уздырылып тора. Китапханәдә юбилей датасына багышланган күргәзмә эшли, укучыларның буш вакытларында мәктәп музеена экскурсияләр оештырыла. Шулай ук 8 нче октябрь көнне 6 нчы сыйныф укучылары катнашында “Татарстан – уртак йортыбыз” дигән тема астында викторина уздырылды. Укучылар әлеге чараларда актив катнашалар, дәүләт символлары белән танышалар, ТАССРга нигез салыну һәм аның үсеше турында файдалы мәгълүматлар алалар.