Россия Федерациясе Конституциясе көне

2018 елның 14 декабре, җомга

12 декабрь көнне Мичәнбаш авыл клубында «Россия Федерациясе Конституциясе көне» дигән темага әңгәмә үткәрелде. Россия гражданнары өчен Конституция ул гади документ кына түгел, турыдан – туры гамәлдә булу законы да. Һәр гражданин үз иленең төп законын белергә тиеш. Чарада балалар Россия тарихы, аның символлары һәм илнең төп законы турында белделәр. Әңгәмә барышында балалар танып-белү уенында катнаштылар, анда сорауларга җавап бирделәр һәм сүзләр төзеделәр. Аннары без «Дәүләт символы – флаг» темасына аппликация ясадык.